魔神英雄傳——人物介紹



戰部飛雲(戦部ワタル)

出生日期﹕昭和53年5月5日

魔神系列嘅主角、龍神丸嘅操作者。係現實世界中，雖然只係學習成績普通嘅小學生，但實際上係出生於天神界拳龍族，繼承傳說中一千年先會出現一次、作為救世者憑證嘅「拳龍之勾玉」、以及拳龍繼承者嘅名稱「Adaru」。

成為拯救創界山嘅救世主嘅經過：
因為某次經過附近名為「龍神山」時，拾起一串勾玉，後來將佢掛係美術課中製作嘅黏土機械人頸上，而無意中產生共嗚，結果被傳送到神部界。

裝備：
唔知大家有冇留意，其實全部都係翔龍妃按照佢擅長嘅運動而變成，例如「魔1」嘅滾軸鞋、「魔2」聖龍妃將從現實世界中帶來嘅飛盤變為飛雲戰衣上嘅胸板。

常用裝備：

魔神英雄傳 ►

■ 登龍劍

■ 魔幻球

■ 滾軸鞋

新魔神英雄傳 ►

■ 登龍劍

■ 飛盤

■ 假如乜乜飯糰

虎王（虎王）/ 翔龍子（翔龍子）

出生日期﹕創界曆23553年虎月1日(登場時9歲)

惡魔首領嘅兒子，稱號「魔界王子」，性格自我，不懂世故，同時亦有孤高性格，討厭卑鄙行為。

魔神英雄傳時期：

係第五界層無意中遇見飛雲同火美子，原本稱呼火美子做「奴隸」，卻被對方誤解為「嫁」(日語中「奴隸」與「嫁」讀音相近)，結果便被火美子視為丈夫。

最初同飛雲惺惺相惜成為朋友，但係最後始終要面對身份對立嘅事實而互相戰鬥。最終決戰時，虎王方從惡魔首領口中得知，自己真正身份係創界山王子「翔龍子」，所謂「魔界王子」，不過係受魔力控制被封印記憶下，繼而被培育嘅棋子。結果係保護飛雲時，以為已經喪生，但最終亦平安回來，同時變回本來嘅「翔龍子」。

「新魔」時期：

翔龍子因為察覺飛雲出現危險，便乘火箭到星界山，更遇見被黑暗武一郎復活嘅邪虎丸。係邪虎丸出於本能為翔龍子抵擋敵方魔神時，兩者產生共嗚，翔龍子變回虎王，操縱新星邪虎丸加入飛雲一行人。最終決戰時，與飛雲、海火子，合力對抗再次復活嘅惡魔首領。

「超魔」時期：

因為受魔力影響，翔龍子三度變回虎王，更被洗腦成為第四界層冰雪女王嘅兒子。聖龍妃死亡後，首次為親母痛哭，最後同翔龍子一分為二，共同保護創界山。

常用裝備：

魔神英雄傳 ►

■ 邪鬼玉

劍部武一郎（剣部シバラク）

出生日期﹕創界曆23535年丑月14日

ミヤモト村出身，如同曾曾曾祖母一樣，流派為族人相傳之「野牛武一郎流」。
臉龐很大，與河馬極之相似，因此經常被火美子取笑為「河馬」。
性格豪放磊落，但另一方面卻經常輕易墮進敵人簡單而粗疏嘅陷阱，而陷入困境。(所謂嘅四肢發達，頭腦簡單!?)
由於身為救世主一行人唯一成年人，亦有向戰部飛雲傳授劍術，所以比飛雲稱為「師傅」、加瑪稱為「先生」，對他相當信賴。

「魔2」時期：

係第五星界為保護飛雲擋住暗黑之箭，遭洗腦成為魔界中人。魔王多雲達就以佢「非常熟悉救世主嘅事情」為由任命為將軍，曾經利用飛雲弱點同佢戰鬥，以動搖飛雲戰意，令佢多次陷入困境。最後在飛雲及新星戰神丸幫助下，解除魔咒，更與黑龍角作最後決戰，繼而將它擊破。星界山被收復後，以E次嘅事件為契機再次修練。

忍部火美子（忍部ヒミコ）

出生日期﹕創界曆23557年卯月1日(登場時7歲)

忍部一族第3代頭領，父親係12代頭領幻龍齋。
極度天真爛漫，甚至無可以令佢驚。因為樂天嘅性格，臉上經常掛著笑臉。
精通各種忍法，雖然多數只係半桶水，不過仍有住歷代首領中最大嘅破壞力。

「新魔」時期：
雖然依然保留樂天無畏嘅性格，不過亦曾於面對成為魔界中人嘅武一郎面前，挻身而出保護飛雲。而本作亦曾經出現已成年嘅火美子。

左：成年火美子